ന്യൂ​ഡ​ൽ​ഹി: ഭാ​ര​ത​വും സെ​യ്‌​ഷെ​ൽ​സും ത​മ്മി​ലു​ള്ള ന​യ​ത​ന്ത്ര ബ​ന്ധ​ത്തി​ന്‍റെ സു​വ​ർ​ണ ജൂ​ബി​ലി ആ​ഘോ​ഷ​വേ​ള​യി​ൽ, സെ​യ്‌​ഷെ​ൽ​സ് പ്ര​സി​ഡ​ന്‍റ് പാ​ട്രി​ക് ഹെ​ർ​മി​നി​യു​മാ​യി പ്ര​ധാ​ന​മ​ന്ത്രി ന​രേ​ന്ദ്ര മോ​ദി കൂ​ടി​ക്കാ​ഴ്ച ന​ട​ത്തി. സെ​യ്‌​ഷെ​ൽ​സി​ന്‍റെ സ്വാ​ത​ന്ത്ര്യ​ത്തി​ന്‍റെ 50-ാം വാ​ർ​ഷി​ക​വും ഇ​ന്ത്യ​യു​മാ​യു​ള്ള ബ​ന്ധ​ത്തി​ന്‍റെ 50-ാം വ​ർ​ഷ​വും ഒ​ത്തു​ചേ​രു​ന്ന ഈ ​സ​ന്ദ​ർ​ശ​നം ഏ​റെ പ്രാ​ധാ​ന്യ​മ​ർ​ഹി​ക്കു​ന്ന​താ​ണ്.

ഇ​രു​രാ​ജ്യ​ങ്ങ​ളും ത​മ്മി​ലു​ള്ള സാ​മ്പ​ത്തി​ക​വും സു​ര​ക്ഷാ​പ​ര​വു​മാ​യ സ​ഹ​ക​ര​ണം ശ​ക്ത​മാ​ക്കാ​ൻ ല​ക്ഷ്യ​മി​ട്ടു​ള്ള 'സെ​സെ​ൽ' എ​ന്ന സം​യു​ക്ത വി​ഷ​ൻ ഡോ​ക്യു​മെ​ന്‍റ് ഇ​രു​നേ​താ​ക്ക​ളും പു​റ​ത്തി​റ​ക്കി. സെ​യ്‌​ഷെ​ൽ​സിന്‍റെ വി​ക​സ​ന​ത്തി​നാ​യി 175 ദ​ശ​ല​ക്ഷം ഡോ​ള​റി​ന്‍റെ പ്ര​ത്യേ​ക സാ​മ്പ​ത്തി​ക പാ​ക്കേ​ജ് ഇ​ന്ത്യ പ്ര​ഖ്യാ​പി​ച്ചു.

ഫി​ൻ​ടെ​ക് , ആ​രോ​ഗ്യം, പ്ര​തി​രോ​ധം, ന​വീ​ന സാ​ങ്കേ​തി​ക​വി​ദ്യ തു​ട​ങ്ങി​യ മേ​ഖ​ല​ക​ളി​ൽ സ​ഹ​ക​ര​ണം വ​ർ​ധി​പ്പി​ക്കും. പ​രി​സ്ഥി​തി സൗ​ഹൃ​ദ ഊ​ർ​ജ പ​ദ്ധ​തി​ക​ൾ​ക്കും സ​മു​ദ്ര​വി​ഭ​വ​ങ്ങ​ളു​ടെ സു​സ്ഥി​ര​മാ​യ ഉ​പ​യോ​ഗ​ത്തി​നും ഇ​രു​രാ​ജ്യ​ങ്ങ​ളും മു​ൻ​ഗ​ണ​ന ന​ൽ​കും. കാ​യി​കം, സം​സ്കാ​രം എ​ന്നീ മേ​ഖ​ല​ക​ളി​ൽ കൂ​ടു​ത​ൽ ജ​ന​ങ്ങ​ൾ ത​മ്മി​ലു​ള്ള ബ​ന്ധം മെ​ച്ച​പ്പെ​ടു​ത്താ​ൻ തീ​രു​മാ​ന​മാ​യി.

സ​മു​ദ്ര സു​ര​ക്ഷ​യി​ൽ വി​ശ്വ​സ്ത പ​ങ്കാ​ളി​യാ​യ സെ​യ്‌​ഷെ​ൽ​സു​മാ​യി ചേ​ർ​ന്ന് ഇ​ന്ത്യ​ൻ മ​ഹാ​സ​മു​ദ്ര മേ​ഖ​ല​യി​ൽ സ​മാ​ധാ​ന​വും സ്ഥി​ര​ത​യും ഉ​റ​പ്പാ​ക്കു​മെ​ന്ന് ഇ​ന്ത്യ ആ​വ​ർ​ത്തി​ച്ചു. ച​രി​ത്ര​പ​ര​മാ​യ ബ​ന്ധ​ത്തെ ഭാ​വി​യി​ലേ​ക്കു​ള്ള സു​ശ​ക്ത​മാ​യ പ​ങ്കാ​ളി​ത്ത​മാ​ക്കി മാ​റ്റാ​നാ​ണ് ഈ ​കൂ​ടി​ക്കാ​ഴ്ച ല​ക്ഷ്യ​മി​ടു​ന്ന​ത്.